Prezidan Sena Repiblik la, Joseph Lambert, pa pran tan pou l reyaji, aprè zak ansasinay kanibal sa a ki fèt nan lannywit samdi 6 dawout la, kont aktyèl Direktè jeneral EPPLS la, ansyen senatè Yvon Buissereth ak tout chofè li nan Laboul 12.
Nan yon mesaj li pibliye sou kont Twitè li, onorab Senatè Joseph Lambert ekri : « Sen. Y. Buissreth mouri jodi a. Chèf gang TiMakak touye l e boule l Laboul. Yon zak sasinay revòltan anplis ki kontinye met dlo nan zye nou. »
Eli depatman Sid-Ès la te rapousib mesaj la ak pawòl rekonesans ak senpati sa yo : « Sena a, moun Sid peyi a ak tout kòlèg yo konnen kijan li te renmen Ayiti. Kondoleyans ak tout fanmi ak zanmi l yo ».
« Sa pa ka rete konsa !! », se ak fraz revòltan sa a Prezidan pati politik Konbit Nasyonal la (Kona), ke yo ba l pote tinon jwèt, animal politik pou kapasite l pou l demele pye l nan espas politik la, san l pa deklare lagè ak pèsonn, te fini mesaj li a.
Maryne Louis-Jeune
