Le Médiateur

Lettre de démission de Jean Rony Duvelsaint à Youri Latortue

0

Le début de cette année 2019 s’annonce très mal pour Youri Latortue, Coordonnateur National du Parti « Ayiti An Action (AAA) ».

Le Membre fondateur et Coordonnateur Départemental de l’Artibonite du Parti AAA,  Jean Rony Duvelsaint, lui a soumis sa démission avec des propos des plus démystifiants. Rédigée dans sa langue maternelle, Monsieur Duvelsaint n’a pas fait d’économie d’encre pour mettre à nu sa déception vis-à-vis du Sénateur en plein campagne présidentiel ces jours-ci.

Senmak, premye Janvye 2019
Mesye Youri Latortue
Kòdonatè Nasyonal Ayiti An Aksyon (AAA)
Nan biwow

Rezon: Demisyon

Mesye Kòdonatè,

Mwen salyew patriyotikman e mwen prezantew konplimanm, mwen se Jean Rony Duvelsaint, manm fondatè, pase gran konseye nasyonal e pase kòdonatè Depatmantal Latibonit Ayiti An Aksyon, kandida pou depite nan komin Senmak nan denye eleksyon 2015 yo. Aprè evènman 2004 yo, nan dat kite 12 Me 2006, anpil nan nou, militant angaje tout kalite ideyoloji te pran desizyon pou mete kanpe yon veritab mouvman rejyonal nan depatman Latibonit konsa nou te deside metew nan tèt li pou 2 manda de 4 lane.
Nan kongrè 2010 la ki te òganize Gonayiv la, asanble yo te fè chwa lòt kalite dirijan e eliw pou yon denye manda de 4 lane e elim mwen menm Jean Rony Duvelsaint kòdonatè Depatmantal Latibonit. E depi lè sa a mwen te metew nan travay, kreye bon jan estrikti nan mete kanpe 15 kòdinasyon kominal ak 63 kòdinasyon seksyon kominal fonksyonel e ekri yon plan òganizasyonel estanda pou tout peyi a e mw te akonpli misyonm avèk fyète, konpetans, etik e leadership. Mw te anime ak bòn volonte pou konstwi yon pati ke tout moun te ka retwouve yo alèz e an sekirite nan yon veritab enstitisyon politik.

Aprè eleksyon lejislatif yo mwen te pran desizyon kanpe sou tout aktivite pati a paske lòd te pase nan pi wo nivo pati a pou yo pat soutni kandidatim men apiye pito yon lòt kandida e sa a pat diferan nan anpil lòt kote.

Sa fè ekzateman plis pase 3 lane depi mwen tap obsève e analize pou gade fonksyonman pati a, mwen menm kòm militan politik angaje eske mw ta ka kontinye fè politik nan AAA ankò, depi 4 lane pa janm gen kongrè ki òganize pou mete lòt dirijan nan tèt pati a paske ou vle toujou rete kòdonatè nasyonal pati a sa ki kontrè avèk antant nou te jwenn lè nou tap fonde pati a, ou te ka fè 2 manda de 4 lane pa plis. Men ou gentan fè 2 manda ke asanble ba ou, ou fè yon lòt ankò san kongrè e ou vle rete toujou kòdonatè. E pa gen moun ki ka diw sa ou jere pati a tankou pwop antrepriz ou. Map raple pou ou nan tout enstitisyon demokratik sèl eleksyon ki ka chanje dirijan yo e asire perenite yo, donk mw pa bezwen al kontestew pou fèw pase pou yon kòdonatè defakto paske yon pati politik se baz fondalnatal tout sosyete, se la tout bon moun onèt, konpetan, patriyot ta dwe soti pou vi n dirijan nan leta a, lè yap gen pou renouvle pèsonel politik la.

Pati a pat kreye pou sèvi yon sèl moun, yon pati politik se yon byen kolektif e se yon patrimwan piblik li ye, men ou fè AAA pwoprite privew ou itilizel janw vle, janw pito. Nan la vi tankou nan politik tout moun ka chanje, men ou menm ou pap janm chanje se ou e se ou menm selman ki pou deside kiyès kap dirijan san patisipasyon reyèl asanble yo e pati sa a rete pati yon sel moun ki se youri Latortue. Pati a pap jere, genyen selman yon pakèt moun ki la kap apwouve saw di, saw fè. Egzanp pa janm genyen yon dokiman finansye ki bay detay sou diferan byen ak kontribisyon yo soti, e si genyen ou gadel selman pou ou. Nan je lòt moun pati a sanble yon gwo pati men an reyalite se yon dwoum vid se ou ki fè tout bagay. Ou imajinew konbyen moun kap poze kesyon pou kisa se ti gwoup moun sa yo ki eli nan depatman latibonit nan fyèf pati a? e byen se paske ou pa janm sipòte kandida pati a, ou jere ke pwop tèt ou ak enterèw, anyen ankò.

Pou tout rezon sa yo kòdonatè mwen enfòmew ke mwen kite pati a, avèk yon santiman kem te byen akonpli misyonm. Avèk anpil espwa tou ke demisyonm nan ak lèt sa a mwen ekriw la a ka sèvi kòm yon mwayen pou konsyantize e motive moun AAA yo e pou yo ka goumen pou pati a ka vini yon veritab zouti politik pou defann enterè mas yo nan Latibonit an patikilye ak pou peyi a an jeneral.

KK : kòdinasyon yo
Laprès

Me Jean Rony Duvelsaint

 

Le Médiateur

Article précédent

Défaite du Real Madrid face au Real Sociedad

Article suivant

Diplomatie : La République dominicaine préside le Conseil de sécurité de l’ONU

Laisser un commentaire